Artikuj
Përse zgjodha të punoj tek VIP REALTY (dhe si rezultoi vendimi më i mirë)
Dy muaj më parë, në morinë e CV-ve që dërgova kudo në vendet e lira të punës në Tiranë, aplikova dhe si agjente imobiliare tek Vip Realty. Pa eksperiencë në fushë, por e intriguar nga njoftimi i punës që ofronte trajnim për të rinjtë dhe një mundësi praktike për t’u rritur në karrierë, thashë përse jo.
Kaluan pak ditë dhe teksa kompanitë vetëseleksionoheshin që nga intervistat e shkurtra herë-herë të pasjellshme në telefon, kontakti me HR e Vip-it më bëri përshtypje. Një zë miqësor, e mbi të gjitha njerëzor më konfirmoi të dhënat që kisha shkruar dhe më ftoi për një intervistë në zyrë.
Gjatë intervistës u ndjeva shumë mirë, biseda rrodhi natyrshëm dhe intervistueset më treguan pa hezitim çdo avantazh që merrja si një agjente e re: trajnim gjatë punës, mundësi për të fituar komisione që ditën e parë, mbështetje nga kolegët senior, një portofol të gatshëm pronash, klientë dhe marketing të garantuar nga agjencia, si dhe mbi të gjitha një ambient pune që ishte vërtet mikpritës, rinor e energjik.
Ditët e para kaluan shpejt dhe falë trajnimit profesionit zbulova si të aktivizoj aftësitë e mia komunikuese, të jem e shkathët në menaxhimin e pronave, e negociatat me klientët.
Gjëja që më pëlqen më shumë nga ky profesion i ri, fitimprurës që VIP REALTY më mundësoi të nis është ndërthyrja e punës nga zyra me lirinë e të dalurit në terren për takime. Më pëlqen që ndryshe nga punët e tjera me rrogë fikse, kam kontroll mbi të ardhurat e mia mujore dhe nuk kufizohem në një shumë të paracaktuar.
Kam mësuar gjithashtu në 2 muaj se ne shqiptarët kemi shumë qejf të negociojmë çmimet, dhe pak herë i marrim seriozisht oraret fikse të takimeve. Është gjithashtu emocionuese për mua si një e pasionuar e arkitekturës dhe interior design të shoh se si shtëpitë tradicionale po modernizohen gjithnjë e më shumë. Uroj që tregu shumë shpejt të bëhet më miqësor për të dy palët dhe të kënaqë edhe pronarët, edhe klientët në një rrugë të mesme që ne si agjenci imobiliare e marrim jo vetëm shumë seriozisht, por e trajtojmë me vëmendjen maksimale për të ofruar garanci, profesionalitet dhe korrektësi.
Duke hedhur sytë pas në ditët që nuk e dija se ç’rrugë do të merrte karriera ime, jam e lumtur të them se tashmë, bashkë me koleget e tjera bashkëmoshatare të të njëzetave, kemi gjetur tek VIP REALTY një pasion të përbashkët, që na shtohet çdo ditë falë mbështetjes nga bordi ekzekutiv e partnerët ndërkombëtarë të kompanisë.
Kujtdo që është në udhëkryqin që unë isha para disa kohësh, I them: merre këtë hap, transformohu me VIP, dhe ndjehu si VIP!
Kristina – Agjente Junior – VIP REALTY
Artikuj
Tregu ne rritje, deri kur?
Statistikat e INSTAT dhe raportet e Bankes se Shqiperise raportojne se tregu i pasurive te paluajtshme ne Shqiperi eshte ne rritje, me nje fokus te vecante ne kryeqytet.
Gjate 6-mujorit te pare te 2023, cmimi i pronave ne rang vendi u rrit me 11.6%. Cmimet ne Tirane, sipas raportimit te Bankes u rriten per zonat qendrore te kryeqytetit, por pesuan nje ulje te lehte per periferine krahasuar me nje vit me pare. Kjo do te thote se investimet ne periferi, per familjet qe jane ne buxhet, jane tashme me te prekshme krahasuar me vitin 2022.
Sidoqofte, te dhenat tregojne se tendenca ne rritje e cmimeve pritet te vazhdoje, cka do te thote se nese po mendoni te blini nje shtepi, tani eshte koha e duhur.
Bankat raportojne se kane financuar deri ne 60% blerjet e shtepive gjate 6-mujorit te pare te 2023, nje zgjedhje qe e kane perfituar rreth gjysma e klienteve qe kane blere prone per banim ose tregeti ne muajt janar-qershor 2023.
Ekspertet parashikojne qe shqiptaret do te vazhdojne te blejne dhe shesin ne norma te larta pasurite e patundshme, duke vazhduar keshtu trendin e cmimeve te larta, nxitur nga kerkesa e larte, qe ne shume raste ka filluar te jete edhe nga shtetas te huaj, joshqiptare.
